Ingibjörg Jónsdóttir var afkastamikill rithöfundur og þýðandi á skammri ævi, en hún fæddist í Reykjavík 14. nóvember 1933 og lést á jóladag 1986 eftir langvinnan heilsubrest. Hún var sex barna móðir en vann við ýmislegt jafnhliða barnauppeldi og heimilishaldi og byrjaði snemma að þýða sögur, framan af framhaldssögur í Alþýðublaðið en á þeim tíma voru framhaldssögur vinsælt lesefni í dagblöðum. Síðar tók hún að sér að þýða skáldsögur fyrir Prentsmiðjuna Leiftur, sem stundaði talsverða bókaútgáfu, og gaf út fyrstu skáldsögu hennar, Máttur ástarinnar, árið 1961. Upp frá því má segja að bók eftir Ingibjörgu hafi verið árviss viðburður um nokkurt árabil og nutu skáldsögur hennar töluverðra vinsælda. Önnur skáldsagan, Ást í myrkri, vakti til dæmis mikla umræðu og seldist upp frá forlaginu á aðeins einni viku.

Það er merkilegt að hugsa til þess að Yrsa hóf feril sinn sem barna- og unglingabókahöfundur, því áður en hún snéri sér að blóðugum reyfurum hafði hún skrifað fjörlegar barnabækur og hlotið verðlaun og lof fyrir. Árið 2000 fékk hún Viðurkenningu Barnabókaráðs Íslands, Íslandsdeildar IBBY, fyrir bókina Við viljum jólin í Júlí (1999) og fyrir söguna Biobörn (2003) hlaut hún Íslensku barnabókaverlaunin árið 2003.

Fimmtíu og níu ára kona sendir frá sér fyrstu bók sína og nær strax almenningshylli. Næsta aldarfjórðung sendir hún frá sér 26 skáldsögur sem allar renna út eins og heitar lummur. Alþýðukona, húsfreyja og móðir sem lætur sér ekki nægja hið hefðbundna kvenhlutverk.  Þessi kona hét Guðrún Baldvina Árnadóttir, fæddist á Lundi í Fljótum 1887 og ólst upp í hópi níu systkina. 

Elías Mar var fæddur 22. júlí 1924 í Reykjavík. Eftir gagnfræðapróf stundaði hann nám í Kennaraskólanum og sótti bókmenntafyrirlestra við Danmarks Lærerhøjskole í einn vetur og var annan vetur við sama nám í London. Hann starfaði sem rithöfundur og þýðandi frá 1946. Jafnframt ritstörfunum vann hann sem prófarkalesari. Elías var einn af stofnendum Rithöfundasambands Íslands 1974 og Finnlandsvinafélagsins Suomi 1949. Elías Mar lést 23. maí 2007, á 83. aldursári.

Eitt af þeim skáldum sem hvað mestan svip setti á seinni hluta nítjándu aldar og fyrri hluta þeirrar tuttugustu var Matthías Jochumsson. Hann fæddist að Skógum í Þorskafirði 11. nóvember árið 1835 og var af alþýðufólki kominn. Hann var snemma bókhneigður og því var hann kostaður til náms af góðum mönnum. Var hann þá eldri en tíðkaðist að menn hæfu nám. Matthías útskrifaðist sem prestur 1867, þá þrjátíu og tveggja ára. Á skólaárum sínum byrjaði hann fyrir alvöru að skrifa bæði ljóð og leikrit, auk þess sem hann þýddi verk eftir erlenda öndvegishöfunda.

Steinn Steinarr er skáldanafn Aðalsteins Kristmundssonar. Steinn fæddist hinn 13. október árið 1908 og eru því í ár liðin hundrað ár frá fæðingu hans. Steinn fæddist á Laugalandi í Nauteyrarhreppi við Ísafjarðadjúp en ólst að mestu upp í Saurbæ í Dölum en fluttist til Reykjavíkur átján ára gamall.

Doris May Tayler fæddist í Persíu (nú Íran) 22. október 1919. Foreldrar hennar voru Englendingar og 1925 létu þau ginnast af gylliboðum um betra líf og auðsæld með kornrækt í bresku nýlendunni Suður-Ródesíu (nú Zimbabwe). Búskapurinn gerði þau ekki rík. Doris var send í stúlknaskóla hjá nunnum og lauk formlegri skólagöngu þegar hún var 13 ára. Fróðleiksfýsn var henni samt í blóð borin og hún að mestu sjálfmenntuð.